لاہور (کلچرل  رپورٹر) معروف استاذ اور مزاح نگار ڈاکٹر اشفاق احمد وِرک کی شاعری کی نئی کتاب ’’مجال‘‘ شائع ہو گئی۔ جسے پاکستان کے ایک بڑے اور معتبر اشاعتی ادارے قلم فائونڈیشن انٹرنیشنل نے اہتمام اور ذوق کے ساتھ علامہ عبدالستار عاصم کی زیر نگرانی شائع کیا ہے۔ یہ اشفاق ورک کی سنجیدہ اور مزاحیہ غزلوں اور نظموں کا ملا جلا شعری مجموعہ ہے، جس کے بارے وہ خود کہتے ہیں کہ ’’جہاں تک میرے اس شعری مجموعے کا تعلق ہے میں جانتا ہوں کہ اس سے اْردو شاعری کی جناب میں کوئی ہلچل بپا نہیں ہوگی لیکن اتنا ضرور ہے کہ میرے باطن میں تین دہائیوں سے ہونے والی کھد بد کو کچھ نہ کچھ قرار ضرور آجائے گا۔