اسلام آباد (اے پی پی) ملک گیر 4 روزہ انسدادپولیو مہم( پیر سے) شروع ہوگی، 156 اضلاع میں  44.2 ملین بچوں کو پولیو سے بچائو کے قطروں کے علاوہ وٹامن اے کی خوراک بھی  فراہم کی جائے گی۔ قومی پولیو پروگرام کے آفیشل ٹویٹر  پر جاری  بیان کے مطابق  4 روزہ قومی مہم کے دوران 6 ماہ  سے 59 ماہ تک کے بچوں کو وٹامن اے کی خوراک بھی اضافی فراہم کی  جائے گی جس سے بچوں  کی قوت مدافعت  اور مجموعی  صحت میں بہتری آئے گی ۔ اس اقدام سے صحت مند خوشحال اور پولیو سے پاک مستقبل کو یقینی بنانے میں مدد ملے گی۔ ٹویٹ  میں اپیل کی گئی ہے کہ لاکھوں بچوں  کو صحت مند   اور   پولیو سے پاک مستقبل کی فراہمی  میں ہماری مدد کریں۔