ن لیگ زرداری ڈاکٹرائن میں ٹریپ ہو گئی: لیاقت بلوچ
لاہور ( خصوصی نامہ نگار)نائب امیر جماعت اسلامی لیاقت بلوچ نے منصورہ کمیٹی روم میں سیاسی، انتخابی اور ملکی حالات پر مہنگائی مشاورتی اجلاس سے خطاب کرتے ہوئے کہا کہ مسلم لیگ (ن) زرداری ڈاکٹرائن میں ٹریپ ہو گئی۔ سیاسی قومی قیادت نے مذاکرات، شفاف غیرجانبدارانہ انتخابات پر بات چیت کے دروازے بند کر کے سیاست، جمہوریت اور معیشت کو ناقابل تلافی نقصان پہنچایا ہے۔ جماعت اسلامی پنجاب اور خیبرپختونخوا صوبائی اسمبلیوں کے انتخابات میں بھرپور حصہ لے گی، ترازو نشان اسلامی انقلابی منشور ہمارا لائحہ عمل ہو گا۔ کارکنان، خواتین اور نوجوان پاکستانی سیاست، جمہوریت اور پارلیمانی نظام کو مفاد پرستوں سے آزاد کرائیں گے۔
