انسانیت کی خدمت میں روحانیت کارازپنہاں ہے :قیصرامین بٹ
لاہور (نیوز رپورٹر)ڈاکٹر اے کیو خان ہسپتال ٹرسٹ کے چیئرمین حاجی قیصر امین بٹ نے کہا کہ جوانسان روحانیت کی تلاش میں ہے وہ انسانیت کی سودوزیاںسے بے نیازاورانتھک خدمت شروع کردے۔وہ دونوں جہانوں میں معبود برحق کامقرب ہوگا۔مفلس ونادارانسانوں کے ساتھ صلہ رحمی اورمستحق مریضوں کوفی سبیل اللہ طبی سہولیات فراہم کرنے کے مشن میں روحانیت اورطمانیت کاراز پنہاں ہے۔ اجلاس سے خطاب کرتے ہوئے بانی ٹرسٹی اورجنرل سیکرٹری ڈاکٹر شوکت بابر ورک نے بتایا کہ بورڈ آف ٹرسٹیز کے اجلاس میں مستحق مریضوں کو آئندہ بھی جدید طبی سہولیات کی فراہمی یقینی بنانے کے عزم کااعادہ کیاگیا۔ہمارے پروفیشنل ڈاکٹرز اورپرجوش پیرامیڈیکل سٹاف ممبرز خندہ پیشانی اورجانفشانی سے بیماروں کی خدمت کر رہے ہیں۔
