(ن )لیگ، پی پی اب الیکشن سے کیوں بھاگ رہی ہیں؟ اسد قیصر کا سوال
مانچسٹر (این این آئی)پاکستان تحریک انصاف کے سینئر رہنما اور سابق اسپیکر قومی اسمبلی اسد قیصر نے استفسار کیا ہے کہ پیپلز پارٹی اور (ن لیگ اب الیکشن سے کیوں بھاگ رہی ہیں؟میڈیا سے گفتگو میں اسد قیصر نے کہا کہ پنجاب اسمبلی تحلیل ہوگئی، خیبر پختونخوا اسمبلی بھی جلد تحلیل ہو گی۔انہوں نے کہا کہ ہمارا ایک ہی مطالبہ تھا کہ ملک میں صاف شفاف الیکشن ہوں، اس پر پی پی اور (ن )لیگ نے کہا تھا کہ دونوں صوبائی حکومتیں تحلیل کریں تو الیکشن ہوجائے گا۔سابق اسپیکر قومی اسمبلی نے کہا کہ اب یہ جماعتیں الیکشن کرائیں، یہ الیکشن سے کیوں بھاگ رہی ہیں، ان تھوڑی بھی جرات ہے تو عوام کے مینڈیٹ کو تسلیم کریں۔
