لاہور(سپورٹس رپورٹر)لاہور بورڈ انٹر کالجیٹ ویٹ لفٹنگ چیمپئن شپ یونیورسٹی آف ویٹرنری اینڈ اینمل سائنسز لاہور میں ہوئی۔ لاہور ڈویژن سے 45،کھلاڑیوں نے چیمپئن شپ میں شرکت کی۔ پہلی پوزیشن پنجاب کالج نے‘ دوسری پوزیشن گورنمنٹ کالج یونیورسٹی لاہور نے جبکہ تیسری پوزیشن سپیریئر کالج نے حاصل کی۔ اختتامی تقریب کے مہمان خصوصی ڈائریکٹر سپورٹس لاہور بورڈ ضیاء سبطین تھے۔ انہوں نے کھلاڑیوں میں کیش پرائز اور اسناد تقسیم کیے۔