لاہور(سپورٹس رپورٹر)پاکستان سپر لیگ کے آٹھویں ایڈیشن کا شیڈول فائنل کر لیا گیا۔ پاکستان سپر لیگ ایڈیشن 8 کے شیڈول کا اعلان کل جمعہ کو متوقع ہے۔ذرائع نے کہاکہ پی سی بی حکام کل پی ایس ایل فرنچائزرز کیساتھ شیڈول کے حوالے سے حتمی مشاورت کریں گے، پی ایس ایل کی افتتاحی تقریب اب تک شیڈولڈ کے مطابق ملتان میں ہو گی۔ پی ایس ایل 13فروری سے شروع ہو گی اور فائنل 19 مارچ کو ہو گا، ٹورنامنٹ کے میچز 4 وینیوز  پر کھیلے جائیں گے، میچز لاہور ، ملتان ، راولپنڈی اور کراچی میں ہوں گے۔ ملتان اور کراچی جبکہ لاہور اور راولپنڈی کے مقابلے ایک ساتھ ہوں گے۔ پی ایس ایل نمائشی میچ کوئٹہ میں کرانے کی حکمت عملی پر غور کر رہی ہے، نمائشی میچ پشاور اور کوئٹہ کی ٹیموں کے مابین ہو گا۔