لاہور(سپورٹس رپورٹر)پاکستان ویمن کرکٹ ٹیم سڈنی پہنچ گئی۔پاکستان ویمن کرکٹ ٹیم آج آرام کے بعدآج صبح نارتھ سڈنی اوول میں پریکٹس سیشن میں حصہ لے گی۔پاکستان اور آسٹریلیا کے درمیان ون ڈے سیریز کا تیسرا میچ کل کھیلا جائے گا۔پاکستانی کمیونٹی کا پاکستان ویمن ٹیم کے اعزاز میں سڈنی میں عشائیہ کا اہتمام کیا گیا ۔ عشائیہ میں پاکستان ویمن کرکٹ ٹیم کی کھلاڑیوں اور سپورٹ سٹاف نے شرکت کی ۔پاکستان ویمن کرکٹ ٹیم کی کپتان بسمہ معروف نے اس موقع پر پاکستانی کمیونٹی کا شکریہ ادا کیا اور انہیں پاکستان ویمن ٹیم کے میچز سٹیڈیم میں دیکھنے کا کہا۔ دونوں ٹیموں کے مابین  ٹی 20 سیریز کا آغاز 24 جنوری سے سڈنی میں ہو گا، سیریز کا دوسرا ٹی 20 میچ 26 جنوری کو ہوبارٹ جبکہ تیسرا اور آخری ٹی 20 میچ 29 جنوری کو کینبرا میں کھیلا جائے گا ۔