لاہور (نمائندہ خصوصی) لاہور میں متعدد وارداتوں میں شہری لاکھوں روپے، طلائی زیورات، گاڑیوں اور دیگر قیمتی اشیاء سے محروم‘ تفصیلات کے مطابق جوہر ٹاون میں ڈاکوؤں نے یاسر خالد کی دکان میں گھس کر گن پوائنٹ پر 50ہزار روپے اور موبائل فون جبکہ خریداری کے لیے آئے محسن عباس سے 3500 روپے اور موبائل فون لوٹ لئے گئے۔  ہڈیارہ میں نامعلوم چور وقاص احمد کے گھر سے ایل سی ڈی ، 2سونے کی انگھوٹھیاں اور 28ہزار روپے چوری کر کے فرار ہو گئے ، سمن آباد میں ڈاکو بلال سے گن پوائنٹ پر75ہزار روپے اور موبائل فون ، ہربنس پورہ میں عبدالقادر سے اسلحہ کے زور پر 45ہزار روپے اور موبائل فون ، گجر پورہ میں عاطف سے اسلحے کے زور پر 90 ہزار روپے ، گلبرگ میں موٹرسائیکل سوار عمران سے 65 ہزار اور موبائل فون، گڑھی شاہو میں موسی سے اسلحہ کے زور پر 18ہزار روپے اور موبائل فون چھین کر فرار ہو گئے ،ڈیفنس،جوہر ٹاون، مناواں‘ شادمان سے گاڑیاں اور سرور روڈ، مانگا منڈی، رنگ محل‘ لاری اڈہ، نواں کوٹ سے موٹر سائیکلیں چوری کر لی گئیں۔