لاہور(سپورٹس رپورٹر)پاکستان اور آسٹریلیا کے درمیان ون ڈے سیریز کا تیسرا میچ آج نارتھ سڈنی اوول میں پاکستانی وقت کے مطابق صبح 05:05 بجے شروع ہوگا۔آسٹریلیا کو تین میچوں کی سیریز میں دو صفر کی فیصلہ کن برتری حاصل ہے۔پاکستان ویمن کرکٹ ٹیم نے گزشتہ روز سڈنی میں پریکٹس سیشن میں حصہ لیا۔بارش کے باعث کھلاڑیوں نے کرکٹ سینٹرل نیو ساؤتھ ویلز  میں انڈور پریکٹس سیشن کیا۔ دونوں ٹیموں کے مابین  ٹی 20 سیریز کا آغاز 24 جنوری سے سڈنی میں ہو گا، سیریز کا دوسرا ٹی 20 میچ 26 جنوری کو ہوبارٹ جبکہ تیسرا اور آخری ٹی 20 میچ 29 جنوری کو کینبرا میں کھیلا جائیگا ۔