اسلام آباد(نا مہ نگار)بھارت نے اجمیر شریف حاضری کیلئے پاکستانی زائرین کو ویزے جاری کر دیئے ہیں،پاکستانی زائرین اجمیر شریف حاضری کیلئے کل منگل کے روز انڈیا روانہ ہونگے، ترجمان وزارت مذہبی امور کے مطابق وزیرے کے لیے 488 افراد کے پاسپورٹ بھجوائے گئے صرف 249 زائرین کو ویزے جاری کیے گئے،238 زائرین اجمیر شریف حاضری سے محروم رہ گئے۔زائرین کے دیکھ بھال کیلئے 6 آفیشلز میں سے صرف ایک کو ویزا جاری کیا گیا: ترجمان کے مطابق اجمیر شریف کے تمام زائرین کو بذریعہ میسج اطلاع کر دی گئی،رویزا کے حامل زائرین کو لاہور پہنچنے کی ہدایت کر دی گئی،پاکستانی زائرین اجمیر شریف حاضری کیلئے منگل کے روز انڈیا روانہ ہونگے۔