پٹنہ (این این آئی) بھارتی  ریاست بہار میں2 خواتین پولیس اہلکاروں نے سکول میں پڑھانے والے 70 سالہ استاد کو سڑک پر تشدد کا نشانہ بنا ڈالا۔ بھارتی میڈیا کے مطابق70 سالہ استاد نیول کشور پانڈے 40 سال سے پرائیوٹ سکول میں بچوں کو پڑھا رہے ہیں۔ سکول کے بچوں کو پڑھا کر سائیکل پر گھر واپس جانے والے بزرگ ٹیچر کی سائیکل سڑک پر گرنے کے باعث وہاں ٹریفک جام ہو گیا جس کو اٹھانے میں مشکل پیش آنے پر2 خواتین پولیس اہلکاروں نے استاد پر لاٹھی چارج کر دیا۔ خواتین پولیس اہلکاروں کی بزرگ استاد سے بدسلوکی، ویڈیو سوشل میڈیا پر وائرل ہو گئی۔