شیخوپورہ (نمائندہ خصوصی) شیخوپورہ اسٹیڈیم میں سی ایف سی بلاسٹ ٹی ٹوئنٹی ٹورنامنٹ شیخوپورہ ڈولفن نے جیت لیا فائنل میچ کے مہمان خصوصی مرکزی انجمن تاجران کے چیئر مین اور تحریک انصاف کے صوبائی رہنماء الحاج ملک اسلم بلوچ تھے جبکہ شیخوپورہ ڈولفن نے 163رنز کا ہدف آخری اوور میں سنسنی خیز مقابلے کے بعد حاصل کیا جبکہ سی ایف سی لائنز کی ٹیم مقررہ 20اوورز میں 162رنز بنا سکی اس فرنچائز لیگ میں ضلع شیخوپورہ اور ضلع ننکانہ کی ٹیموں نے حصہ لیا تھا کامیاب ٹیم کے اونر انس رانا نے کہا کہ کرکٹ کے فروغ کیلئے اس طرح کے ٹورنامنٹ حکومتی سطح پر ہونے چاہئے جس سے نوجوانوں میں مقابلوں کا رحجان پیدا ہوتا ہے میچ کے مہمان خصوصی الحاج ملک اسلم بلوچ نے خطاب کرتے ہوئے کہاکہ کھیلوں کے میدان آباد ہونے سے ہسپتال ویران ہوتے ہیں .نوجوان نسل کو تعلیمی سرگرمیوں کے ساتھ ساتھ غیر نصابی سرگرمیاں جاری رکھنی چاہئے جس سے ان کی صحت بہتر ہوتی ہے ۔