لاہور(سپورٹس رپورٹر) کرکٹ سنٹر کلب نے پہلے کوارٹر فائنل میں سٹی جم خانہ کلب کو 5 وکٹوں سے شکست دے کر 20-K کپ 2023 T20 کرکٹ ٹورنامنٹ کے سیمی فائنل میں رسائی حاصل کر لی۔سٹی جم خانہ نے 5 وکٹوں پر 182 رنز بنائے۔ اوپنر رضوان نے 70 جبکہ  معاذ زاہد نے 57 رنز بنائے۔۔ محمد علی نے چار کھلاڑیوںکوآئوٹ کیا۔ کرکٹ سینٹر نے 183 رنز کا ہدف 19 اوورز میں 5 وکٹوں کے نقصان پر پورا کر لیا۔ محمد وحید نے 58 رنز جبکہ امیر حمزہ نے 38 رنز بنائے۔ عبدالرحمان نے 2 وکٹیں حاصل کیں۔ٹیسٹ کرکٹر محمد علی کو میچ کا بہترین کھلاڑی قرار دیا گیا۔ آج دوسرا کوارٹر فائنل علی گڑھ کلب اور لدھیانہ جم خانہ کلب کے درمیان صبح 11 بجے کھیلا جائیگا۔