اسلام آباد (خبر نگار خصوصی‘ نوائے وقت رپورٹ) آئی ایس پی آر کے مطابق  بنوں کے علاقے جانی خیل میں آئی ای ڈی کے دھماکے میں سکیورٹی اہلکار شہید ہو گیا۔ شہید اہلکار 24 سالہ گل شیر کا تعلق ضلع خیبر پی کے سے ہے۔ علاقے میںدہشت گردوں کے خاتمے کیلئے آپریشن جاری ہے۔ خیبر پی کے کے علاقے غنڈی میں مشکوک ٹھکانے پر فرنٹیئر کور نے چھاپہ مارا۔ فائرنگ کے تبادلے میں ایک دہشت گرد ہلاک ہو گیا۔ سکیورٹی ذرائع کے مطابق دہشت گردوں کی فائرنگ سے دو اہلکار زخمی ہو گئے۔ دریں اثنا ڈی آئی خان میں نامعلوم افراد کی فائرنگ سے پولیس کانسٹیبل شہید ہو گیا۔ پولیس کے مطابق کانسٹیبل گل باران کو مسجد سے جاتے ہوئے نشانہ بنایا گیا۔
سکیورٹی اہلکار شہید