انجینئرنگ یونیورسٹی میں داخلے کیلئے نئی پالیسی‘ انٹری ٹیسٹ 13 تا 17 مارچ کو ہو گا
لاہور (سپیشل رپورٹر) انجینئرنگ یونیورسٹی لاہور کے تحت بی ایس سی انجینئرنگ اینڈ ٹیکنالوجی پروگرامز میں داخلوں کیلئے ہونے والے انٹری ٹیسٹ کیلئے رجسٹریشن کی آخری تاریخ 3مارچ ہے۔
یو ای ٹی نے نئے داخلوں کیلئے نئی داخلہ پالیسی متعارف کروا دی ہے۔ نئی پالیسی کے مطابق اب طلباء فرسٹ ایئر کی بنیاد پر یو ای ٹی انٹری ٹیسٹ میں اپنے آپ کو رجسٹرڈ کروا سکیں گے۔ طلباء 1800روپے کی ادائیگی پر ٹوکن نمبر بذریعہ ایچ بی ایل آن لائن بنکنگ اور HBL KONNECTکے ذریعے آن لائن حاصل کریں گے۔ جبکہ نان ای کیٹ پروگرامز میں داخلوں کیلئے 2 ہزار روپے کی ادائیگی پر 13 فروری تک ٹوکن حاصل کیا جا سکتا ہے۔
