پی ڈی ایم الیکشن سے راہ فراراختیار کر رہی ہے: انیس ریاست
شیخوپورہ (نمائندہ خصوصی) تحریک انصاف کے سینئر رہنماء انیس ریاست ورک نے کہاہے کہ پی ڈی ایم الیکشن سے راہ فراراختیار کر رہی ہیں عمران خان کو گرفتار کرنے کی کوشش ہوئی تو پوری قوم سڑکوں پر آجائے گی انتخابات میں تاخیر او رنگران سیٹ اپ کا دورانیہ بڑھانے کی کوشش آئین سے غداری ہے اسے کسی صورت بھی برداشت نہیں کیا جائے گا ن لیگ ٹوٹ پھوٹ کا شکار ہے جس کی بڑی وجہ شریف خاندان تمام مین عہد ے اپنے خاندان میں ہی رکھنا چاہتے ہیں صحافیو ں سے گفتگو کرتے انیس ریاست ورک نے کہاکہ ملک اس وقت معاشی بحران کا شکار ہے مگر حکمرانوں کو اقتدار بہت عزیز ہے انہوں نے کہاکہ دنیا پاکستان کو امداد یا قرضہ دینے کیلئے تیارنہیں ہے سابق ادوار میں ملنے والا قرضہ عوام پر خرچ نہیں ہوا بلکہ وہ حکمرانوں کی عیاشیوں پر خرچ ہوا جس کی قسطیں اب قوم اتار رہی ہے ۔
