اسلام آباد (آئی این پی) زراعت کے شعبے کو تبدیل کیے بغیر معیشت کو فروغ دینے کیلئے پالیسیاں بنانے کا کوئی فائدہ نہیں ہے۔ تحقیق، ٹیکنالوجی اور اختراع کے نتیجے میں پاکستان کا زرعی منظر نامہ تبدیل ہو جائے گا جس سے کاشتکار زیادہ باشعور اور مسابقتی بن سکیں گے۔ نیشنل ایگریکلچرل ریسرچ سینٹر کے ماہر، محمد عظیم طارق نے کہاکہ دیہی علاقوں میں، تقریبا 68 فیصد آبادی خوراک اور معاش کیلئے زراعت پر منحصر ہے۔ اس وقت ہماری معیشت کمزور ہے۔ ملک کو اس صورتحال سے باہر نکلنے کی ضرورت ہے جہاں زراعت معاشی ترقی میں سب سے زیادہ معاون ہے۔ اس لیے پاکستان کو اپنی معاشی پالیسیاں موجودہ حالات اور عالمی نظام کے مطابق بنانا ہوں گی۔"پاکستان کے پاس بہت سارے وسائل اور زرخیز سرزمین ہے۔ ہماری آبادی کا ایک بڑا حصہ بالواسطہ یا بلاواسطہ زراعت سے وابستہ ہے۔ زراعت ہماری معیشت میں ریڑھ کی ہڈی کی حیثیت رکھتی ہے اور غذائی تحفظ میں اہم کردار ادا کرتی ہے۔ یہ جی ڈی پی کا 22 فیصد ہے۔ عظیم نے کہا کہ کئی مسائل ہیں جن میں تحقیق ، مناسب ٹیکنالوجی کی کمی، زیادہ لاگت، پانی کی کمی، کاشتکاری کیلئے زمین کی مقدار میں کمی، طویل گھنٹے کی لوڈ شیڈنگ، ناکافی مشاورتی خدمات کے ساتھ ساتھ قابل کاشت کیڑے مار ادویات کا استعمال، ملاوٹ شدہ اور معیاد ختم ہونے والی کیڑے مار ادویات، کسانوں اور مرکزی منڈی کے درمیان بالواسطہ روابط کے ساتھ ساتھ روایتی زرعی طریقوں نے زراعت کے شعبے کو متاثر کیا ہے۔لہذا، زرعی پیداوار کو بڑھانے کے لیے نئی حکمت عملیوں کے نفاذ کی ضرورت ہے جو اقتصادی ترقی کو فروغ دینے میں اہم کردار ادا کر سکتا ہے۔زرعی پیداوار کے لیے ضروری ہے کہ حکومت ہماری تحقیقی تنظیموں کو مضبوط کرے اور انہیں فنڈز فراہم کرے۔ پرائیویٹ کمپنیوں کو بھی اس میں شامل ہونا چاہیے تاکہ پیداوار میں اضافہ کیا جا سکیمیکرو اور مائیکرو لیول کی ساختی تبدیلیاں ہمارے زرعی شعبے کو زندہ کرنے میں مدد کر سکتی ہیں۔ بلاشبہ، زرعی تحقیقی سہولیات کی کمی کے وسیع پیمانے پر اثرات ہوتے ہیں جیسے کہ طویل مدتی مقاصد کا ناقص نفاذ، غلط تقسیم، اور بہت سے اقتصادی اور ماحولیاتی بیرونی پہلوں کے ساتھ وسائل کی بدانتظامی شامل ہے۔
انہوں نے کہا کہ زرعی پیداوار میں اضافہ کرنے کے لیے، حکومت کو مزید تحقیقی ادارے بنانا ہوں گے یا پہلے سے موجود اداروں کو فنڈز فراہم کرنا ہوں گے تاکہ ان کے پاس نئی تحقیق کرنے کے لیے وسائل موجود ہوں۔"