لاہور(سپورٹس رپورٹر)لاہور میں جونیئر سطح پر ویٹ لفٹنگ کے فروغ کیلئے پہلی پنجاب ویمن ویٹ لفٹنگ چیمپئن شپ میں لڑکیوں کے مختلف ویٹ کیٹیگریز میں مقابلے کرائے گئے۔صوبے بھر سے 60 سے زائد لڑکیوں نے مقابلوں میں حصہ لیا۔لاہور میں پہلی پنجاب ویمن ویٹ لفٹنگ چیمپیئن شپ میں جونیئر سطح پر لڑکیوں کے مقابلوں کو اہمیت دی گئی۔12 سے 16 سال تک کی لڑکیوں نے ویٹ لفٹنگ میں 25 کلو گرام تک وزن اٹھانے کی کوشش کی۔منتظمین کا کہنا تھا کہ ان مقابلوں کا مقصد صرف یہ ہے کہ ٹیلنٹ تلاش کیا جائے اور پھر انہیں بھرپور ٹریننگ کے مواقع دیئے جائیں۔ چیمپئن شپ کی پرفارمرز کو پنجاب ویٹ لفٹنگ ٹیم کے کیمپ میں بلایا جائے گا اور کیمپ میں نیشنل گیمز کی تیاری کی جائے گی۔