لاہور (نمائندہ خصوصی) 24 گھنٹوں کے دوران متعدد وارداتوں میں کئی شہری لاکھوں روپے‘ زیورات، موبائل فونز سمیت دیگر قیمتی اشیاء سے محروم کر دیئے گئے۔ ذرائع کے مطابق مانگا منڈی میں نامعلوم چور اقبال کے گھر سے6 لاکھ ‘ زیورات اور پرائز بانڈ چوری کر کے فرار ہو گئے۔ شالیمار میں مسلح ڈاکو راشد کے گھر میں گھس کر7 لاکھ69 ہزار‘ زیورات اور دیگر اشیاء لوٹ کر کے فرار ہو گئے۔ مصطفی آباد میں ڈاکو سلیم سے گن پوائنٹ پر 80 ہزار اور موبائل فون، سندر میں ڈاکو عمران سے52 ہزار اور موبائل فون، اقبال ٹاؤن میں مسلح ڈاکو سعدیہ سے 18 ہزار اور موبائل فون چھین کر فرار ہو گئے۔ جنوبی چھاؤنی، نصیر آباد، غالب مارکیٹ، گلبرگ، گارڈن ٹائون، ڈیفنس، ہنجروال سے گاڑیاں، باغبانپورہ، چوہنگ، گڑھی شاہو، اسلام پورہ، غازی آباد، راوی روڈ، ساندہ، مصری شاہ، لوہاری گیٹ، نولکھا، مصطفی ٹائون، مزنگ، داتا دربار اور شفیق آباد سے موٹر سائیکلیں چوری کر لی گئیں۔