لاہور(سپورٹس رپورٹر)آسٹریلیا نے پاکستان ویمنز ٹیم کو سیریز کے پہلے ٹی20میچ میں 8 وکٹوں سے شکست دیکر 0-1 کی برتری حاصل کرلی،سڈنی میں کھیلے گئے میچ میں پاکستان نے آسٹریلیا کیخلاف ٹاس جیت کر پہلے بیٹنگ کرنے کا فیصلہ کیا، قومی ٹیم پہلے بیٹنگ کرتے ہوئے 118رنز بناکر آئوٹ ہوئی۔عمائمہ سہیل 30، عائشہ نسیم 24‘رنز بناکر نمایاں رہیں۔منیبہ علی آٹھ‘جویریہ خان سولہ ‘کپتان بسمہ معروف ایک ‘صسف شمس صفر‘ندا ڈار آٹھ‘فاطمہ ثناء پانچ‘ایمن انورنو‘طوبیٰ حسن صفر پر آئوٹ ہوئیں ۔ سعدیہ اقبال چار رنز پر ناٹ آئوٹ رہیں ۔ میگن سشٹ نے5  کھلاڑیوں کو پویلین کی راہ دکھائی۔آسٹریلوی ویمنز ٹیم نے 119 رنز کا مقررہ ہدف 13.4 اوورز میں 2 وکٹوں پر حاصل کرلیا، الیسے پیری 57اور ایشلے گارڈنر تیس رنز پر ناقابل شکست رہیں ۔ کپتان میگ لیننگ چودہ اور تاہلیامیگراتھ چودہ رنزبنا کر آئوٹ ہوئیں ۔ سعدیہ اقبال اور نداڈار نے ایک ایک وکٹ حاصل کی۔میگن سشٹ کو میچ کی بہترین کھلاڑی قرار دیا گیا۔