فیروزوالہ( نامہ نگار) ڈکیتی ،راہزنی اور چوری کی20 وارداتوں میں ڈاکووں کی لوٹ مار ڈاکوؤں نے شہریوں کو لاکھوں روپے نقدی زیورات اور گاڑیوں اور موبائل فونز سے محروم کر دیا۔ ڈاکو کوٹ عبدالمالک میں بینک سے رقم لے کر آنے والے شہری محمد نواز سے چار لاکھ روپے کی رقم چھین کر لے گئے۔ ڈاکووں نے ہائی وے کالونی کے قریب ملٹی نیشنل کمپنی کی فرنچائز میں داخل ہو کر مالک کو جان سے مار دینے کی دھمکی دے کر ڈیڑھ لاکھ روپے نقدی اور موبائل چھین لئے ۔ دو ڈاکو موٹر سائیکل نقدی اورموبائل فون چھین کر فرار ہوگئے، ٹبہ والا قبرستان کے قریب تھانہ فیکٹری ایریا کے علاقہ ٹول پلازہ کے قریب ریاست سے دو ڈاکو نقدی اور موبائل چھین کر فرار ہوگئے، مریدکے میں تین ڈاکو ؤں نے انسپکٹر عمیر رسول سے 35ہزار روپے نقدی تین موبائل فون اور موٹر سائیکل چھین لی، شرقپور چک 10میں تین ڈاکومحمد رضوان سے نقدی اور موبائل فون چھین کر فرار ہوگئے، تھانہ اے ڈویژن کے علاقے میں تین ڈاکوؤں نے محمد عثمان سے گن پوائنٹ پر لاکھوں روپے مالیت کے چار موبائل فون اور ہزاروں روپے نقدی چھین لئے۔ منڈیالی کے قریب ڈاکومیر حمزہ کو روکا لوریاں سے ساٹھ ہزار روپے رقم اور موبائل چھین کر لے گئے ۔چوروں نے ایک فیکٹری میں داخل ہو کر لاکھوں روپے مالیت کا سامان چوری کرلیا۔ مختلف علاقوں سے3 موٹر سائیکل چوری کر لی گئیں۔