’’تین دن سے بچوں کو کھانا نہیں ملا ‘‘ شہری کی کال پر پولیس اہلکار رو پڑے
شاہ صدردین (نمائندہ نوائے وقت ) تین دن سے بچوں کو کھانا نہیں ملا۔ پندرہ پر کال کر کے شہری نے بچوں کی بھوک کا سنا کر پوری فورس کو رلادیا۔ ڈیوٹی پر موجود ملازم نے فوراً کالر کو آٹا مہیا کرنے کا کہہ دیا جب اس بات کا علم تھانہ کالا کے ایس ایچ او عبدالستار چانڈیہ کو ہوا تو اس نے اپنے تھانے میں بیٹھے ملازمین کو بتایا جس پر تمام اہل کاروں کے آنسو نکل آئے اور ایس ایچ او عبدالستار چانڈیہ نے فوراً شہری کے لئے آٹا خریدا اور اس کی دہلیز پر جا کر اپنے فرض کی ادائیگی کی۔
