فیصل آباد (نمائندہ خصوصی) نواحی علاقہ میں کرکٹ میچ کے دوران فائرنگ کے نتیجے میں نوجوان جاں بحق ہو گیا۔ تفصیل کے مطابق تھانہ صدر جڑانوالہ کے علاقہ 99 گ ب میں مقامی ٹیموں کے درمیان کرکٹ میچ ہو رہا تھا، میچ ختم ہوتے ہی رانا شانی اور عاصم انوار نے شدید فائرنگ کرنی شروع کر دی، شدید فائرنگ کے نتیجے میں گولی لگنے سے احمد رضا موقع پر ہی دم توڑ گیا، جبکہ فائرنگ کرنے والے ملزم موقع سے فرار ہونے میں کامیاب ہو گئے۔