قصور (نمائندہ نوائے وقت)قصور و گردونواح میں گڈی ڈور کا کھلے عام دھندہ عروج پر دن بھر آوارہ لڑکوں کا چھتوں پر ہلہ گلہ جان لیوا کیمیکل لگی ڈور کا بے دریغ استعمال متعدد بار میڈیا پر خبروں کی اشاعت کے بعد بھی قصور پولیس اور ضلعی انتظامیہ کے کا ن پر جوں تک نہ رینگی، پابندی کے باوجود پتنگ بازی کا سلسلہ کھل عام جاری گھروں میں رہنے والی خواتین پتنگ بازی سے اپنے ہی گھر وں میں محصور ہوکر رہ گئیں کیونکہ منچلے چھتوں پر سارا دن مٹر گشت کرتے ہیں جس کی وجہ چادر دیواری کا تقدس بھی پامال کیا جارہا ہے جبکہ جان لیوا دھاتی ڈور کے استعمال سے بجلی کی تاروں میں بار بار ٹریپنگ اور ٹرانسفارمر زکے جل جانے سے گورنمنٹ اور شہریوں کا لاکھوں روپے کا نقصان ہورہا ہے۔ سیاسی،سماجی اور فلاحی تنظیموں کا گڈی ڈور بنانے والوں اور منچلوں کیخلاف ڈی پی او قصور سے کارروائی کا مطالبہ ۔ جبکہ پولیس ترجمان کے مطابق گڈی ڈور کا کاروبار کرنیوالوں کیخلاف کریک ڈاؤن جاری ہے۔