لاہور(سپورٹس ڈیسک)بھارتی ٹینس سٹار اورپاکستانی کرکٹر شعیب ملک کی اہلیہ ثانیہ مرزا اور روہن بوپنا کی جوڑی کو آسٹریلین اوپن ٹینس چیمپئن شپ کے فائنل میں شکست ہوگئی، کیرئیر کے آخری میچ میں ثانیہ آبدیدہ ہوگئیں ،آسٹریلین اوپن ڈبلز کے فائنل میچ میں فاتح برازیلین جوڑی نے بھارتی سٹار ثانیہ مرزا اور ہم وطن جوڑی دار روہن بھوپنا کو ہرادیا۔ ثانیہ مرزا نے کہا کہ فاتح جوڑی نے ہم سے اچھا کھیل پیش کرتے ہوئے کامیابی حاصل کی،کیریئر کے اختتام پر ثانیہ مرزا اپنے آنسو روک نہ سکیں ، کیریئر کا آخری میچ کھیلنے پر خوش ہوں ، میرا پروفیشنل کیریئر میلبورن سے شروع ہوا اور اپنا کیریئرختم کرنے کیلئے اس سے بہتر میدان کے بارے میں سوچ بھی نہیں سکتی تھی۔ اپنے کیریئر سے مطمئن ہوں اور اپنے والدین اور مداحوں کا شکریہ ادا کرتی ہوں۔