لاہور(نامہ نگار)آئندہ انتخابات کی تیاری کے سلسلے میں ٹاؤن شپ میں پیپلز پارٹی کے مرکزی دفتر میں پارٹی رہنماؤں کا اجلاس منعقد ہوا۔ جس کی صدارت پیپلزپارٹی پنجاب کے فنانس سیکرٹری احمد جواد اورفاروق رانا نے کی۔ پیپلز پارٹی کے سینئر نائب صدر بابائے سوشلزم شیخ محمد رشید کے پوتے رضا اشفاق مہمان خصوصی تھے۔ اس موقع پر ڈاکٹر ضرار یوسف، عاطف معراج،  مہر عاشق، خرم فاروق،ایڈووکیٹ، رانا اشعر نثار، شہباز درانی، وحید لودھی، مرزا اظفر ، خرم اعجازو دیگر رہنماؤں نے شرکت کی اور آئندہ الیکشن کیلئے لائحہ عمل تیار کیا۔