سرگودھا (نمائندہ خصوصی) سرگودھا، میانوالی اور فیصل آباد میں فائرنگ کے تین مختلف واقعات میں نوجوان اور دوشیزہ سمیت تین افراد جاں بحق اور ایک نوجوان شدید زخمی ہو گیا۔ سرگودھا کے چک 23 جنوبی میں عبدالرئوف اور ماجد کے درمیان بکرے کی فروخت پر جھگڑا ہوا تو مشتعل نوجوان عبدالرئوف نے فائرنگ کر کے ماجد کو قتل کر دیا اور فرار ہو گیا اور سرگودھا ریجن کے علاقہ کندیاں کے محلہ حاجی آباد میں  مبینہ طور پر گھر میں فائرنگ سے جواں سال ہمشیرہ جاں بحق ہو گئی۔ جبکہ سرگودھا فیصل آباد روڈ پر چک باوا میں لڑائی جھگڑے پر مسلح افراد کی فائرنگ سے25 سالہ نعمان جاں بحق اور 33 سالہ دلاور حسین بازو پر فائر لگنے سے شدید زخمی ہو گیا۔