لاہور(سپورٹس ڈیسک )جرمنی نے بیلجیئم کوشکست دے کر تیسری بار ہاکی ورلڈکپ جیت لیا۔ بھارت میں کھیلے جانے والے ایف آئی ایچ ہاکی ورلڈ کپ فائنل میں جرمنی نے بیلجیئم کو پنالٹی شوٹ آؤٹ پر شکست دیکر ٹائٹل اپنے نام کر لیا۔جرمنی اور بیلجیئم کے درمیان مقررہ وقت میں مقابلہ تین تین گول سے برابر رہا۔ پنالٹی شوٹ آؤٹ میں جرمنی نے  4-5سے کامیابی حاصل کی۔سب سے زیادہ چار مرتبہ ہاکی ورلڈ کپ ٹائٹل جیتنے کا اعزاز پاکستان کے پاس ہے، پاکستان نے آخری مرتبہ ہاکی ورلڈ کپ 1994 میں جیتا تھا۔ یہ جرمنی کا تیسرا عالمی ٹائٹل ہے، جرمنی نے پہلی مرتبہ 2002 ء میں ٹائٹل اپنے نام کیا تھا جبکہ چار سال 2006 ء میں اعزاز کا کامیابی سے دفاع کیا تھا۔