گوجرانوالہ (نمائندہ خصوصی ) چیمبر کے صدر شیخ فیصل ایوب نے وفد کے ہمراہ کمشنر گوجرانوالہ نوید شرازی سے اہم ملاقات کی جبکہ وفد میں سابق صدر خواجہ ضرارکلیم،سابق سینئرنائب صدر محمد اجمل اعوان و دیگر شامل تھے ،وفد کی قیادت کرتے ہوئے صدر چیمبر شیخ فیصل ایوب نے تبادلہ خیال کرتے ہوئے کہا کہ کاروباری حالات دن بدن ابتر ہوتے جا رہے ہیں اس دوران انڈسٹری مالکان صرف مزدوروں کا روزگار بچانے کیلئے فیکٹریاں چلا رہے ہیں۔گوجرانوالہ میں پارکنگ کے مسئلے سے کاروباری برادری سخت پریشان ہے دیگرشہروں سے آئے تاجر حضرات مناسب پارکنگ کا بندوبست نہ ہونے کی وجہ سے گوجرانوالہ کا رخ نہیں کر رہے کمشنر نوید شرازی نے کہااگر کسی محکمہ کو کسی بھی صنعتیں سے کوئی مسئلہ درپیش ہے تو فوری کاروائی کی بجائے چیمبر کو اعتماد میں لے تاکہ باہمی رضامندی اور مشاورت سے مسائل کا حل تلاش کیا جائے۔انہوں نے کہا کہ گوجرانوالہ چیمبر میں جن مسائل کی طرف نشاندہی کروائی ان منصوبوں کی تکمیل کیلئے ٹھوس اقدامات کئے جائیں گے ۔