لاہور(سپورٹس رپورٹر)انگلش بیٹر ایلکس ہیلز نے نیشنل ڈیوٹی پر پاکستان سپر لیگ کو ترجیح دینے کا فیصلہ کیا ہے۔ انگلش بیٹر ایلکس ہیلز بنگلہ دیش کے خلاف سیریز نہیں کھیلیں گے بلکہ وہ پی ایس ایل میں شرکت کریں گے،ایلکس ہیلز پاکستان سپر لیگ میں اسلام آباد کی نمائندگی کریں گے، انہیں پی ایس ایل کھیلنے کے مجموعی طور پر ایک لاکھ 80ہزار ڈالر ملیں گے۔ انگلینڈ کو یکم سے 14مارچ تک بنگلہ دیش سے سیریز کھیلنی ہے ،بغیر کنٹریکٹڈ پلیئر ہونے پرہیلز کو ون ڈے کے 5ہزار اور ٹی ٹونٹی کے ڈھائی ہزار پائونڈز ملنا تھے،پی ایس ایل کے میچز مِس کرنے پر ایلکس ہیلز کو بڑی رقم سے محروم ہونا پڑ سکتا تھا۔