لاہور(سپورٹس رپورٹر)سالانہ سیدجعفر میموریل ہاکی ٹورنامنٹ کی مینجمنٹ کمیٹی کا اجلاس پرنسپل مائیکل تھامس کی صدارت میں ایچی سن کالج میں ہوا۔ ڈائریکٹر سپورٹس عمر زمان، سپورٹس ایمبیسڈر شاہد محمود سمیت ریکارڈ ہولڈر سابق کپتان پاکستان ہاکی ٹیم محمد ثقلین اور امپائرمنیجرز و ہیڈکوچ قومی ویمن ہاکی ٹیم دلاور بھٹی کے علاوہ شریک ٹیموں کے منیجرز/کوچز نے شرکت کی۔ ٹورنامنٹ میں بتیس ٹیمیں شریک ہوں گی جن کے میچز سات سے پندرہ فروری تک ایچسن کالج ہاکی گراونڈ میں ناک آوٹ سسٹم پر صبح ساڑھے نو بجے سے شروع ہوں گے۔گذشتہ سال گوجرہ کی ٹیم چیمپئن بنی تھی جو اب فیصل آباد کی نمائندگی کرےگی ۔ پرنسپل مائیکل تھامس نے کہا کہ سید جعفر میموریل ٹورنامنٹ کے انعقاد کا مقصد ہاکی کا فروغ ہے اسی لیے ایونٹ بہترین پرفارمرز کی ٹیم "جعفر الیون" بنائی جائےگی جسے انڈر ٹونٹی سمیت بیرون ملک نمائندگی کا موقع ملے گا۔