شاہین شاہ آفریدی کا نکاح کل شاداب 9فروری کو دولہا بنیں گے
لاہور(سپورٹس رپورٹر) قومی کرکٹ ٹیم کے فاسٹ بائولر شاہین شاہ آفریدی اپنے نکاح کی تقریب کیلئے کراچی پہنچ گئے ۔شاہین شاہ آفریدی کا نکاح سابق کپتان شاہد آفریدی کی بیٹی انشا آفریدی سے ہوگا، نکاح کی تقریب کل ڈی ایچ اے گالف کلب میں ہوگی۔ شاہین شاہ اور انشا آفریدی کی منگنی گزشتہ سال مارچ میں ہوئی تھی۔ آل رائونڈر شاداب خان اسی ماہ اپنی دلہن گھر لے آئیں گے ۔ شاداب کی بارات اور ولیمے کی تقریبات 9اور 10فروری کو اسلام آباد میں منعقد کی جائیں گی۔
