لاہور (نامہ نگار) ڈاکوؤں اور چوروں نے شہرکے مختلف علاقوں میںمتعدد شہریوں سے لاکھوں روپے  زیورات، موبائل فون، گاڑیاں، موٹر سائیکلیں اور دیگر سامان لوٹ لیا۔ ڈاکوؤں نے جوہر ٹاؤن میں تنویر کے گھر گھس کر اہلخانہ کو گن پوائنٹ پر یرغمال بنا کر 7 لاکھ، زیورات، موبائل فون اور دیگر سامان ، گلشن اقبال  میں جبار اور اس کی فیملی سے گن پوائنٹ پر 3لاکھ 76ہزار،  زیورات اور موبائل فون، شالیمار میں ملک بشارت سے گن پوائنٹ پر 4لاکھ 40ہزار اور موبائل فون، شفیق آباد میں اشرف سے 3لاکھ 20ہزار، فیکٹری ایریا میں آفتاب کی موبائل شاپ میں گھس کر 3لاکھ، کاہنہ میں معراج سے ڈھائی لاکھ  اور موبائل فون، ملت پارک میںکرامت سے 50ہزار اور موبائل فون، باٹا پور میں نعیم سے 35ہزار اور موبائل فون لوٹ لیا۔ چوروں نے جنوبی چھاؤنی میں قیصر محمود کے گھرگھس کر 8لاکھ ، سندر میںفاروق کے گھر میں گھس کرساڑھے 5لاکھ  ماڈل ٹاؤن  میں منظور کے گھر سے 4 لاکھ ، زیورات ودیگر قیمتی سامان چوری کر لیا اورفرار ہو گئے ہیں۔ فیصل ٹاؤن،بادامی باغ،نواں کوٹ اور قلعہ گجر سنگھ  سے 4 کاریں ، راوی رود کے علاقے سے رکشہ جبکہ مصطفی ٹاؤن موچی گیٹ،ساندہ ، چوہنگ، انارکلی، ٹبی سٹی اور مغلپورہ کے علاقوں سے 7موٹر سائیکلیں چوری کر لی ہیں۔ لٹن روڈ کے علاقے میں ڈاکوؤں نے بابر کے گھر گھس کر اہلخانہ کو گن پوائنٹ پر یرغمال بنا کر 17لاکھ روپے مالیت کی نقدی و طلائی زیورات لوٹ لئے، خواتین کو تھپڑ مارے اور دوپٹے سے ان کے ہاتھ پائوں باندھ کر فرار ہو گئے ہیں۔
ڈاکے