قصور(نمائندہ نوائے وقت)متعدد وارداتوں میں کئی شہری لٹ گئے۔ فیاض نے تھانہ منڈی عثمانوالہ میں اطلا ع دی ہے کہ ڈاکوؤں نے 1 لاکھ 20 ہزار روپے اور موبائل چھین لیا ۔تنویر عباس نے تھانہ سٹی پھولنگر میں اطلا ع دی ہے کہ بائی پاس پرناواں کے قریب میری دوکان پر چارڈاکو آئے اور  1 لاکھ 10 ہزار روپے چھین کر فرار ہوگئے ۔گلفام مشتاق نے تھانہ صدر پھولنگر میں اطلاع دی ہے کہ نجی پیپر مل کے قریب ڈاکوؤں نے میری موٹر سائیکل چھین لی جبکہ وقار علی نے بھی اطلاع دی ہے کہ پھلیانی روڈ پر ڈاکوؤں نے 30ہزار روپے چھین لئے۔ اسحاق نے پولیس تھانہ صدر میں اطلاع دی ہے کہ گنڈا سنگھ روڈ پر نامعلوم میری 8بکریاں چوری کرکے لے گئے ۔نامعلوم نے پولیس تھانہ چونیاں میں اطلاع دی ہے کہ میری موٹر سائیکل چور لے گئے ۔محمد شریف نے پولیس تھانہ کھڈیاں میں اطلاع دی ہے کہ قبر کوٹ کے قریب نامعلوم نوسربازی سے میرا لوڈر رکشہ لے گیا ہے۔ اسلم نے پولیس تھانہ تھہ شیخم میں مقدمہ درج کرایا ہے کہ میری بھینس چوری ہو گئی ۔پولیس مقدمات درج کرکے مصروف تفتیش ہے۔