ایشیا کرکٹ کپ کا مستقبل ‘پی سی بی ٹیم بحرین چلی گئی
لاہور(سپورٹس رپورٹر)ایشیا کرکٹ کپ کے مسقبل کا فیصلہ کرنے اور ایشین کرکٹ کونسل کے اجلاس میں شرکت کیلئے پاکستان کرکٹ بورڈ کی دو رکنی ٹیم رات گئے بحرین چلی گئی ۔پی سی بی مینجمنٹ کمیٹی کے سربراہ نجم سیٹھی کیساتھ چیف ایگزیکٹیو فیصل حسنین 4 فروری سے شیڈول اے سی سی کے اجلاس میں پاکستان کی نمائندگی کریں گے۔اجلاس بھارتی کرکٹ بورڈ کے رویے پر نجم سیٹھی رواں برس پاکستان کی میزبانی میں ہونے والے ایشیاکپ پر اپنا موقف پیش کریں گے۔واضح رہے کہ اجلاس کے بعد چیئرمین پی سی بی 7 فروری کو وطن واپس پہنچیں گے۔
