لاہور(سپورٹس رپورٹر)قومی ٹیم کے فاسٹ بائولر سہیل خان نے کہا ہے کہ کوئی مشین ہی شعیب اختر کا ریکارڈ توڑ سکتی ہے انسان نہیں۔ شعیب اختر بہت محنتی کرکٹر تھے، وہ وزن باندھ کر گراونڈ کے چکر لگاتے تھے، وہ ہمیں بھی مشورہ دیتے تھے کہ تگڑے ہو جاؤ۔ بھارت کا فاسٹ بائولر عمران ملک اچھا بائولر ہے، مگر پاکستان میں 155 کلو میٹر کی سپیڈ سے بائولنگ کرانے والے دس سے پندرہ بائولر موجود ہیں۔سہیل خان نے محمد آصف کو لیجنڈ کرکٹر قرار دیتے ہوئے کہا کہ جہاں وکٹ میں سیم ہوتا تھا وہ بہت خطرناک بائولر بن جاتا تھا۔آصف جیسا بائولر ضائع ہو گیا جس کا افسوس ہوتا ہے۔ اس وقت شاہین شاہ آفریدی محمد عامر سے بہت اوپر ہے، وہ دن میں 35 اوورز کرتا ہے اور اس کے ساتھ ایک اچھا فیلڈر بھی ہے۔