کراچی (نوائے وقت رپورٹ) پریس کلب کراچی کے باہر تحریک لبیک اور پی ٹی آئی کارکنوں میں ہاتھا پائی ہوئی۔ دونوں جماعتیں کشمیر ڈے پر احتجاجی ریلیاں نکال رہی تھیں۔ تحریک انصاف کے راجہ اطہر، عطاء اللہ، بلال غفار، آفتاب جہانگیر تھانے پہنچ گئے۔ بلال غفار نے کہا کہ پی ٹی آئی کے پرامن کارکنان پر تحریک لبیک کے کارکنوں نے دھاوا بولا۔ پی ٹی آئی سائونڈ سسٹم پر حملہ کیا۔ اس کے دوران پی ٹی آئی کا ایک کارکن زخمی ہوا۔ پی ٹی آئی رہنمائوں نے کراچی میں ڈی ایس پی فہمیدہ عباس سے ملاقات کی۔ پی ٹی آئی رہنمائوں نے ٹی ایل پی کے خلاف مقدمے کی درخواست جمع کرا دی۔