لاہور (نامہ نگار) ڈاکوؤں اور چوروں نے شہرکے مختلف علاقوں میں متعدد شہریوں سے لاکھوں روپے‘  زیورات، موبائل فون، گاڑیاں ، موٹر سائیکلیں اور دیگر سامان لوٹ لیا۔ ڈاکوؤں نے باٹاپور کے علاقے میں اخلاق کے گھر گھس کر اہلخانہ کو گن پوائنٹ پر یرغمال بنا کر 6لاکھ‘  زیورات، موبائل فون اور دیگر سامان، نواب ٹاؤن میں فیاض الہی اور اس کی فیملی سے گن پوائنٹ پر5لاکھ 70ہزار‘ زیورات اور موبائل فون، ساندہ میں دلبر خان سے56ہزار اور موبائل فون، گارڈن ٹاؤن میںعباس سے50ہزار اور موبائل فون، شادباغ میں رحمت سے 35ہزار اور موبائل فون، گرین ٹاؤن میں ہاشم سے گن پوائنٹ پر 25ہزار اور موبائل فون، ستوکتلہ میںکامران سے گن پوائنٹ پر 20ہزار اور موبائل فون، نصیر آباد میں نعمان سے 19 ہزار روپے اور موبائل فون، مسلم ٹاؤن میں علی احمد سے 15ہز ار اور موبائل فون، باٹا پور میں وہاب سے12ہزار اور موبائل فون لوٹ لیا۔ چوروں نے ٹاؤن شپ میں تنویرکے گھرگھس کر 6 لاکھ، زیورات ودیگر قیمتی سامان‘ وحدت کالونی، گجر پورہ، برکی اور لیاقت آباد سے 4 کاریں، ہیئر سے رکشہ جبکہ سرور روڈ، لٹن روڈ، ملت پارک، راوی روڈ، ساندہ، مصری شاہ، گلبرگ، لوئر مال اور اقبال ٹاؤن سے9موٹر سائیکلیں چوری کر لی ہیں۔