فیصل آباد (نمائندہ خصوصی) پولیس مقابلہ میں  دو ڈاکو زخمی ہو گئے۔ تفصیل کے مطابق تھانہ سمن آباد میں پولیس مقابلہ کے دوران دو ڈاکو زخمی ہو گئے۔ سیٹلائیٹ ٹاؤن میں گشت کرتی ڈولفن فورس ٹیم نے موٹر سائیکل سوار دو ڈاکوئوں کو رکنے کا اشارہ کیا تو موٹرسائیکل سوار ڈاکوئوں نے ڈولفن فورس اہلکاروں پر فائرنگ کر دی۔ ڈولفن فورس کی جوابی فائرنگ کے نتیجے میں گولیاں لگنے سے موٹر سائیکل سوار دونوں ڈاکو زخمی ہو گئے۔ پولیس نے زخمی ڈاکوئوں کو حراست میں لے کر ہسپتال منتقل کر دیا ہے۔ پکڑے جانے والے ملزموں کی شناخت عدنان اور یسین کے نام سے ہوئی ہے۔ جبکہ ڈاکوؤں سے مسروقہ موٹر سائیکل بھی برآمد کر لیا گیا ہے۔ دونوں افراد ڈکیتی اور راہزنی کے متعدد مقدمات میں پولیس کو مطلوب تھے۔