وہ دن دور نہیں جب نہ صرف مقبوضہ کشمیر آزاد ہوگا :اشرف رسول
فیروزوالہ( نامہ نگار)پاکستان مسلم لیگ (ن) کے سینئر رہنما اور رکن صوبائی اسمبلی پیر محمد اشرف رسول نے کہا ہے کہ وہ دن دور نہیں جب نہ صرف مقبوضہ کشمیر آزاد ہوگا بلکہ پاکستان کا حصہ بھی بنے گا۔ محسن پاکستان میاں محمد نواز شریف نے اپنی وزارت عظمیٰ کے دوران مظلوم کشمیریوں کی آواز دنیا کے کونے کونے تک پہنچائی اور اقوام متحدہ سمیت تمام ممالک کو مسئلہ کشمیر کے حل کی خاطر کردار ادا کرنے پر مجبورکیا۔ خود بھارتی قیادت مسئلہ کشمیر کے حل کی خاطر رابطوں پر مجبور ہوئی۔
