فیروزوالہ( نامہ نگار) ڈکیتی، راہزنی اور چوری کی دو درجن کے قریب وارداتوں میں ڈاکوؤں کی لوٹ مار‘ مزاحمت پر دو افراد کو تشدد کا نشانہ بنایا ۔ڈاکو لاکھوں روپے مالیت کے طلائی زیورات ،نقدی اور گاڑیاں چھین کر لے گئے۔ وڈالہ دیال شاہ نہر کے قریب ڈاکوؤں نے گن پوائنٹ پر تاجر شفیق سے پانچ لاکھ روپے کا موبائل چھین کر لے گئے۔ ڈاکوؤں نے محمد جمیل کے گھر داخل ہو کر اہل خانہ کو یرغمال بنا کر چار لاکھ روپے کے زیورات ، نغدی اور دیگر قیمتی سامان لوٹ کر لے گئے۔ ڈاکو نے جی ٹی روڈ کی آبادی رچنا ٹاؤن کے قریب ناکہ لگا کر متعدد افراد مدثر، علی رضا اور دیگر افراد کو لوٹ لیا۔ ڈاکوؤں نے نقدی اوردو موٹرسائیکل اور دیگر قیمتی سال چھین لیا۔ لاہور روڈ کی آبادی کوٹ عبدالمالک کے قریب ڈاکوؤں نے ناکہ لگا کر متعدد راہگیروں سے نقدی موبائل فون چھین کر لے گئے۔ جی ٹی روڈ پر ڈاکوؤں نے اقبال کو روک کر سات لاکھ روپے کی رقم چھین کر لے گئے۔ کالا خطائی روڈ پر نبیلہ بی بی نے ساتھیوں کی مدد سے سجاد علی کے گھر داخل ہو کر اس کے دو سالہ بیٹے کو اغوا کرلیا اور گھر سے آٹھ لاکھ روپے اور چھ لاکھ روپے کے زیورات لوٹ کر لے گئے۔ شرقپور روڈ پر ڈاکوؤں نے ناکہ لگا کر مظہر علی اور دیگر افراد کو لوٹ لیا ان سے ہزاروں روپے کی رقم اور4 موبائل چھین کر لے گئے۔ لاہور روڈ کی آبادی خان پور کے قریب ڈاکو نے نثار احمد سے ایک لاکھ  ہزار کی رقم20 چھین کر لے گئے۔ نامعلوم افراد نے مختلف علاقوں سے ایک کار، ایک رکشہ اور 7 موٹر سائیکل چوری کر لی ۔پولیس نے مقدمات درج کر لئے۔