کابل (اے پی پی) افغانستان کے شمالی صوبہ سمنگان میں سڑک کے ایک حادثے میں 2 مسافر ہلاک اور 9 زخمی ہو گئے ہیں۔ ضلع حضرت سلطان کے علاقے دولت آباد میں ایک کار مخالف سمت سے آنے والی دوسری گاڑی سے ٹکرا گئی جس کے نتیجے میں 2 مسافر موقع پر ہی جاں بحق اور 9 زخمی ہو گئے جن میں سے بعض کی حالت تشویشناک ہے۔ انہوں نے مزید بتایا کہ افغانستان کے مشرقی صوبوں پروان اور بغلان میں گزشتہ 2 دنوں میں اسی طرح سڑک حادثات میں 16 افراد زخمی ہوئے ہیں۔