نیوجرسی(این این آئی)امریکی سینٹ کی امور خارجہ تعلقات کمیٹی کے رکن سینیٹر کوری بوکر نے کہا ہے کہ امریکہ کو پاکستان حکومت سے تعلقات بہتر بنانا چاہئیں۔نیوجرسی میں اے پی پیک کے زیر اہتمام تقریب سے خطاب کے بعد میڈیاسے گفتگو میں سینیٹر کوری بوکر نے امریکہ میں پاکستانی پولیس افسر پر حملے کی مذمت بھی کی ہے۔سینیٹر بوکر نے پاکستان میں دہشت گردی کے واقعات کو انتہائی تکلیف دہ قرار دیا اور کہا کہ امریکہ کو پاکستان حکومت سے تعلقات بہتر بنانا چاہئیں۔انہوں نے کہا کہ صرف دہشتگردی کیخلاف جنگ میں معاونت کافی نہیں، معیشت سمیت دیگرمعاملات میں بھی تعلقات آگے بڑھنے چاہئیں۔