لاہور(خبرنگار)سی ای او ایل ڈبلیو ایم سی علی عنان قمر کے  ڈی سی فیصل آباد تعینات  ہونے پرایل ڈبلیو ایم سی ہیڈ آفس میں الوداعی تقریب کا اہتمام کیا گیا۔ترجمان ایل ڈبلیو ایم سی عمر چوہدری کے مطابق علی عنان قمر چار ماہ سے زائد عرصہ سی ای او ایل ڈبلیو ایم سی کے عہدے پر تعینات رہے۔ علی عنان قمر کی سربراہی میں ایل ڈبلیو ایم سی میں انقلابی اصلاحات کی گئیں۔علی عنان قمر نے بطور سی ای او ایل ڈبلیوایم سی قلیل مدت میں شہر کی صفائی کو بہتر بنانے کے لیے اہم اقدامات  کیے۔کوڑے کی مناسب تلفی کے لیے شہر بھر میں ویسٹ سیگریگیشن ماڈل کو متعارف کروایا۔ویسٹ ٹو انرجی پراجیکٹ کے لیے جرمن، نارویجین، تھائی لینڈ اور چائنیز کمپنیز کے ساتھ مفاہمتی یاداشت پر دستخط کیے گئے۔ مانیٹرنگ کے نظام میں بہتری کے لیے 360 ڈگری سی سی ٹی وی کیمروں کی سرویلنس کو یقینی بنایا گیا۔1000 سے زائد گھوسٹ ملازمین کو نوکری سے برخاست کرکے لاکھوں روپے کی بچت کی گئی۔سڑکوں پر کوڑا کرکٹ کے پھیلاؤ کو روکنے کے لیے اینٹی لٹرنگ اسکواڈ تشکیل دیا گیا۔ لاہور شہر کے تاریخی مقامات پر آگاہی مہم کا انعقاد کیا گیا اور طلبہ کے ہمراہ ویسٹ پکنگ ایکٹیویٹیز کی گئیں۔