لاہور(سپورٹس ڈیسک) پاکستان کے مایہ ناز فاسٹ بائولر شعیب اختر کی مسجد میں تبلیغ کرنے کی ویڈیو سوشل میڈیا پر وائرل ہو گئی۔ آن لائن نیوز پلیٹ فارم’جان لو‘ کے مطابق یہ ویڈیو صوبہ خیبرپی کے کے ایک چھوٹے سے گائوں کی مسجد میں بنائی گئی ہے جہاں راولپنڈی ایکسپریس تبلیغی جماعت کے ساتھ دعوت و تبلیغ کی غرض سے گئے تھے۔وائرل ہونے والی ویڈیو میں شعیب اختر نماز کی اہمیت بیان کر رہے ہوتے ہیں۔ وہ کہتے ہیں کہ ’’نماز کہاں ہے؟ جب تک تم مسجد میں نہیں آئو گے تو اللہ تعالیٰ کو کیسے پہچانو گے؟