فیروزوالہ( نامہ نگار) نئے ڈسڑکٹ پولیس آفیسر شیخوپورہ زاہد نوازمروت کی آمد پر شیخوپورہ پولیس کے افسران و جوانوں کی جانب سے ان کا پر جوش استقبال یاد گارشہدا پر حاضری ڈی پی او شیخوپورہ زاہد نواز نے اپنے عہدے کا چارج سنبھال کر کام شروع کر دیا۔ ڈسٹرکٹ پولیس آفیسر شیخوپورہ زاہد نواز کا کہنا تھاکہ ہمارے شہدا ہماری شان ہیں یہ ہمارے ماتھے کا جھومر ہیں ہم اپنے شہد ا کو کسی بھی موقع پر نہیں بھولتے۔ ڈسٹرکٹ پولیس آفیسر شیخوپورہ زاہد نواز نے اپنے عہدے کا چارج لینے پرتمام ضلع ہذا کے ایس ڈی پی او ز اور ایس ایچ او زکو پیغام میں کہا کہ  امن و امان کے قیام،جرائم کا خاتمہ اور شرپسند عناصر کی سر کوبی عوام و الناس کو انصاف کی فوری فراہمی،پولیس اور عوام کے درمیان اعتماد اور احترام کا رشتہ کو قائم اور مضبوط کرنا میری اولین ترجیحات میں شامل ہے۔