فیروز والہ : دیرینہ دشمنی ‘ملزموں نے فائرنگ کرکے مخالف کو قتل کردیا
فیروزوالہ( نامہ نگار) لاہور روڈ کی آبادی خانپور کے قریب دیرینہ دشمنی کی بنا پر کامران عرف پنوں اور بلال نے اندھا دھند فائرنگ کر کے مخالف نوجوان ناصر محمود جٹ کو ہلا ک کر دیا ۔ قصبہ مدکے کا رہنے والا زمیندار نوجوان ناصر محمود اپنے بھائی اصغر علی روشن کنال ( خان پور) ملنے کے بعد موٹر سائیکل پر سوار ہو کر گھر جا رہا تھا کہ راستے میں موٹر سائیکل سوار ملزمان بلال اور کامران نے اندھا دھند فائرنگ کر دی‘ناصرموقع پر ہی ہلاک ہوگیا حملہ اور ہوائی فائرنگ کرتے ہوئے فرار ہوگئے۔ فیکٹری ایریا پولیس نے مقتول کے بھائی کی رپورٹ پر ملزموں کے خلاف قتل کے الزام میں مقدمہ درج کرلیا ۔پولیس نے مقتول کی نعش قبضہ پوسٹمارٹم کیلئے ہسپتال بھجوا دی۔ ایک اطلاع کے مطابق ملزمان اور مقتول کے درمیان قتلوں کی عداوت چلی آ رہی ہے۔
