لاہور(سپورٹس رپورٹر)پاکستان وہیل چیئر کرکٹ کونسل نے غیر ملکی کوچ کی خدمات حاصل کرنے کا فیصلہ کرلیا۔ پاکستان وہیل چیئر کرکٹ ٹیم کیلئے غیر ملکی کوچ کی بات چیت جاری ہے، انگلینڈ سے تعلق رکھنے والے کوچ سے آئندہ ہفتے تک معاملات طے پا جائیں گے۔ پاکستان وہیل چیئر کرکٹ کونسل کے ترجمان نے کہاہے کہ ورلڈکپ ایشیا کپ اور افغانستان کے خلاف سیریز کیلئے کوچ کی خدمات حاصل کی جا رہی ہیں۔ ورلڈ کپ اپریل اور ایشیا کپ مئی میں کھیلا جائیگا، ورلڈ کپ کے بعد پاکستان افغانستان کی میزبانی کریگا۔