ڈسکہ (نامہ نگار/نمائندہ خصوصی +نمائندہ نوائے وقت) ڈکیتی کر کے فرار ہونے والے ڈاکوئوں کا پیچھا کرنے پر ڈاکوئوں کی فائرنگ سے نوجوان جاں بحق ہو گیا۔ نواحی گائوں بہاری پور کا شہرون حمید گزشتہ روز اپنے بھائی سمسون حمید کے ہمراہ اپنے گائوں جا رہے تھے جب وہ للر سیفن پیٹری کے قریب پہنچے توانہیں ناکہ لگائے کھڑے تین مسلح ڈاکوئوں نے روک لیا اور اسلحہ کی نوک پر یرغمال بنا کر ان سے نقدی 15ہزار روپے اور موبائل فون چھین کر فرار ہو گئے۔ اسی دوران دونوں بھائیوں نے ڈاکوئوں کا پیچھا کرنا شروع کر دیا، جس پر ڈاکوئوں نے دونوں بھائیوں پر فائرنگ کر دی جس کے نتیجہ میں ایک بھائی سمسون حمید گولیاں لگنے سے موقع پر ہی دم توڑ گیا۔
ڈکیتی/ جاں بحق